سورۃ البقرہ
۞ وَٱذْكُرُوا۟ ٱللَّهَ فِىٓ أَيَّامٍ مَّعْدُودَٰتٍ ۚ فَمَن تَعَجَّلَ فِى يَوْمَيْنِ فَلَآ إِثْمَ عَلَيْهِ وَمَن تَأَخَّرَ فَلَآ إِثْمَ عَلَيْهِ ۚ لِمَنِ ٱتَّقَىٰ ۗ وَٱتَّقُوا۟ ٱللَّهَ وَٱعْلَمُوٓا۟ أَنَّكُمْ إِلَيْهِ تُحْشَرُونَ
Ważkurullāha fī ayyāmim ma‘dūdāt(in), faman ta‘ajjala fī yaumaini falā iṡma ‘alaih(i), wa man ta'akhkhara falā iṡma ‘alaihi limanittaqā, wattaqullāha wa‘lamū annakum ilaihi tuḥsyarūn(a).
یہ گنتی کے چند روز ہیں، جو تمہیں اللہ کی یاد میں بسر کرنے چاہییں پھر جو کوئی جلدی کر کے دو ہی دن میں واپس ہو گیا تو کوئی حرج نہیں، اور جو کچھ دیر زیادہ ٹھیر کر پلٹا تو بھی کوئی حرج نہیں بشر طیکہ یہ دن اس نے تقویٰ کے ساتھ بسر کیے ہو اللہ کی نافرمانی سے بچو اور خوب جان رکھو کہ ایک روز اس کے حضور میں تمہاری پیشی ہونے والی ہے
📝 حاشیہ
٦١) یہاں ذکر سے مراد تکبیر، تسبیح، تحمید اور اسی طرح کے دیگر اذکار پڑھنا ہے۔ چند مقررہ دنوں سے مراد ایامِ تشریق ہیں، یعنی عید الاضحی کے بعد کے تین دن (١١، ١٢ اور ١٣ ذوالحجہ)۔ ٦٢) اس آیت میں جلدی کرنے سے مراد ١٢ ذوالحجہ کو سورج غروب ہونے سے پہلے منیٰ سے روانہ ہونا (نفرِ اول) ہے۔ جبکہ تاخیر کرنے سے مراد ١٣ ذوالحجہ کو منیٰ سے روانہ ہونا (نفرِ ثانی) ہے۔